【抵玩】TECLAST P80X 八吋平板電腦行 Android 只售＄769

踏入 12 月就快又到年度盛事的聖誕節，大家想好為另一半的禮物嗎？如果仲未有心水的話，不妨睇睇今次為大家準備的介紹，就是男、女、小朋友、大人都合用，具備 Android 系統，可以經 Google 下載 app 打機娛樂、睇劇或者處理文書工作的 TECLAST P80X 八吋平板電腦。

TECLAST P80X 八吋平板電腦由於採用 Android 9.0，所以同時有齊各項原生的 Google 服務，唔需要另外再用 apk 檔下載，內建 A55 高性能 AI 八核處理器，2GB RAM / 16GB ROM，提供 microSD 卡槽提升容量之外，最特別就是支援 WiFi 連網或者可以直接插入 SIM 卡享受 4G LTE 連網及打電話，夠晒方便。

另外，TECLAST P80X 八吋平板電腦配備 1280x800 IPS 屏，畫質其實只是一般，但依個價錢當然只是咁上下，而機身前後分別安裝有 30 萬像素（前置）、200 萬像素（後置）攝影鏡頭。而機身內有 GPS 功能，支援北斗、Google Map 等地圖程式，可化身為汽車導航系統，加上 4200mAh 特大電量的鋰電池，可提供 10 小時超長續航力。